- 591 -

1429. Okt. 16. Liegnitz.

Herzog Ludwig bekennt, der Stadt Liegnitz die Münze seines Fürstenthums Liegnitz mit allen Rechten für 771 1/2 Mark und 6 Gr. verkauft zu haben.

Wir Ludowig von gotes genaden herczog in Slesien zum Brige vnde zu Legnicz bekennen vnde tuen kunth vffuntlichen mit diesem briue allen den, die een sehn adir horen lesen, das wir recht vnde redelichen vorkawft vnde vffgelossin habin vnsere moncze vnsers furstenthums zu Lignicz mit allen vnde iclichen hirschaften, freyheyten, rechten, fruchten, die douon bekomen mochten, zugehorungen vnde begnadungen, alz wir die selbis vnde vnsere vorfarn herczoge zu Lignicz selbis vnde von der cronen zu Behemen vnde von furstlicher macht vnsers obgenanten furstenthums van aldirs gehabit habin, nichtis auszgeczogen vor sebenhundert sebenczig anderthalbe marg vnde sechs groschin gueter Bemischer groschin Polnischer czal, der wir iczund gancz vnd gar beczalit sein vnd vorgulden, vnd sulch gelt gancz an vnsern erhaftigen nucz entphangen haben, vnsern liebin getruen burgermeyster, rathmannen vnde der ganczen gemeynden vnser obgenanten stat Lignicz die obgenante vnsere moncze zuhaben, halten vnde geruelichen zubesitczen vnde in voller macht vnser, vnser erbin vnde rechten nochkomen zugenissen, zugebruchen, heller adir phenninge an allin vndirscheyt zusloen, die am kome zu adir abesatcze silbirs adir koppers am gewichte zu setczin, wie en das beheglichen vnde allirbeqwemste ist, vnde zum allirbesten noch erem dirkentenisse zu staten komen mag, zu orden vnde zu schicken vnde siege der moncze zu wandeln, andere zu setczin vnde zuwedirruffen also vfte en das not tuen worde, vnde in allirmosse mit der obgenanten monczen zutuen, was wir selbis domete getuen vnde schicken mochten, von vns, vnsern erbin vnde rechten nochkomen gancz allir sachin vngehindirt geistlicher vnde wertlicher personen, vnde gloubin den obgenanten vnsern liebin getruen vnser stat Lignicz vor vns, vnsere erbin vnde nochkomen bey vnsern guten truen an allis arg vnde intragk, daz wir die selbege moncze bey namen von dem andachtigen hern apte vnde conuenth des closters zu Lewbens vnd sust von eyner iclichen personen geystlich vnde wertlich, die do sie von der selbegen moncze ansprechin mochten adir worden von czinse adir schulde wegen, adir irkeyn briff welicherleye der were dorobir funden worde adir von wenne sie dorumb in geystlich adir wertlich gerichte betediget worden, des vnde eynes suchen sullen wir adir vnsere erben ane arg gancz ledig freyen, vorantworten, vortretin vnde in craft diesis briffes an allen schaden ganczlichen benemen vnde ap daz nicht geschege, do goth vor seye, wez dann die obgenanten vnsere lieben getruen eynes sulchen schaden nemen vortedigeten vnde mit czerungen, boten vnde intedigis weyse an gelte adir an guete vorlustig worden vnde abegetediget an czinse adir an gelde in waz wyse das geschege, wez sie dan sulchen schadin nemen, der sal vnser seyn, vnser erbin vnde nochkomen hern zu Lignicz vnde woz sie vns sagen vmb sulchen entphangen schaden adir vorlust, daz sullen wir en vngetediget an allen eyt ganczlichen glewbin vnde ane arg richten vnde gutlichen beczalin. Ouch haben wir den obgenanten vnsern rathmannen vnde vnser stat Lignicz vff sich vnde vnsere obgenante stat sulch obgenante gelt czu czynse auszugewynnen vollemacht gegebin vf eyn wedirkauff zuvorschreybin, wo sie sulch gelt auszugewynnen adir weme sie sich vorschreyben in welcherley weyse daz geschit, daz ist vnser wille vnde glouben daz zuhalden an allis arg noch lawte sulcher briue von vnser obgenanten stat gegebin vnde die vorschreibunge in allir mosse, alz dann obene geschrebin steet, ydach vnschedelichin vns, vnsern erben vnde rechten nochkomen erbhern zu Lignicz an vnserm rechten wedirkawffe der obgenanten monczen vor sebinhundirt sebinczig anderthalbe marg vnde sechs groschen der obgenanten groschen vnde czal vnde allis zuschadin vnde vorlustigen geldis daz doruff, alz obengeschrebin steet, gegangin were, wenn wir daz vormogen adir so stathaftig werden. In craft diesis briueffes, an den wir zu rechtem bekentenisse vnser gros ingesegil habin heyssin hangen, gebin zu Lignicz an sandte Galli tage noch Crists geborth vierczeenhundirt donoch in dem newenvndczwenczigsten jare. Dobey sind gewest vnsere liebin getruen her Nickel Stewicz, her Hencz Ole, her Fritsche von Landiszkron, Henrich von Gebelczke, Cuncze von Schellindorff vnde.

O. d. St. L. No. 333. Das Siegel an rothseidenen Schnüren. — Bitschens Privilegb. f. LXXV.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866